LAOAG CITY – Inpakaammo ti Laoag City Government iti babaen ti Office of the Community Environment and Natural Resources Officer (OCENRO) ken nadumaduma pay a grupo ken organisasion a sangsangkamaysada nga agtitinnulong para iti nataltalged nga aglawlaw.
Maysa kadagitoy ket ti pannakaiyuswat ti coastal clean-up a naiwayat iti Barangay Cacaoacan a nagbibinnuligan dagiti bumaranggay, 4P’s, KALIPI, Liga ng mga Barangay ken nadumaduma pay a grupo kas paset ti selebrasion ti Month of the Ocean a ti kangrunaan a gagemna ket ti nadalus nga igid ti baybay.
Malaksid kadaytoy, maiwayat pay ti Water Quality Campaign ken Information Education Campaign a gagem na a makita ti ad-adda a partisipasion ti komunidad iti panangaywan iti aglawlaw.
Kabayatanna, manamnama nga adu pay a barangay iti siudad ti pagturungan ti Office of the Community Environment and Natural Resources Officer (OCENRO) para iti niget nga information dissemination.
