LAOAG CITY – Inpasigurado ni Presidente Ferdinand R. Marcos Jr. nga agtultuloy ti addang ti administrasyon na tapno masolusyunan ti panagkurkurang ti pabahay ken maipaayan ti naurnus a pagnaedan dagiti rinibo a pamilya a Pilipino.
Iti babaen ti Pambansang Pabahay para sa Pilipino Program (4PH), inpetteng ni Presidente Marcos nga agbalin a nalaklaka para kadagiti ordinaryo nga umili ti maaddaan ti bukod a balay.
Daytoy ket paset ti maipatpatungpal a subsidized interest rates ti gobierno nga adda ti 1 agingga iti 3 a porsiento laeng.
Basar iti report ti Department of Human Settlements and Urban Development (DHSUD), nagduduma nga opsyon ti maididiaya iti babaen ti programa tapno maibagay iti kabaelan ken pagkasapulan dagiti benepisyaryo.
Karaman ditoy dagiti vertical housing facilities ken dagiti house-and-lot packages.
Tapno personal a makita a pannagna ti programa, bimmaba a mismo ti presidente kadagiti komunidad iti Middle East tapno kumustaen dagiti pamilya a nakaawat ti pabahay.
Karaman kadagiti ininspeksyon ti chief executive ket ti maysa nga housing project iti probinsya ti Pampanga, karaman ti Palayan Township project iti Nueva Ecija.
