LAOAG CITY – Agturong ni Governor Cecilia Araneta-Marcos idiay Estados Unidos intono Mayo ita a tawen.
Segun kenkuana, ti umuna a papanan da ket iti Ilocos Norte extension Honolulu intono Mayo 15 sakbay nga agturong da idiay California.
Immuna iti daytoy, naimbitaran ti gobernador babaen ti consul general ti Hawaii ken ti consul general ti Los Angeles, California.
Kuna ti gobernador a nabayagen a damdamagen dagiti maseknan no kaano ti ibibisita ti grupo na kadagiti nadakamat nga estado ti Amerika isut gapuna a pinatgan na dagitoy.
Mangnamnama ni Marcos nga agbalin a nabunga ti kaunaan nga opisyal a panagbiyahe da idiay Amerika iti panagtugaw na kas gobernador.
