LAOAG CITY – Nagpanawagan ni Senate President Alan Peter Cayetano para iti impartial investigation iti shooting incident iti Senado iti napalabas a lawas.

Iti Facebook live, inbatad ni Cayetano a ti insidente ket nasken a solbaren nga addaan ti propesionalismo.

Immunan nga inrakurak ni Philippine National Police Criminal Investigation and Detection Group chief Police Major General Robert Morico II nga awan ti nakitada a panangatake iti Senado basar iti imbestigasion a naiwayat.

Inlawlawagna a ti panangiwayat ti warning shot dagiti kameng ti Office of the Sergeant-at-Arms (OSAA) ket saan a mapalpalubosan iti maipatpatungpal a pagannurotan ti private security services ken iti babaen ti police operational procedures.

Kuna ni Morico, awan ti nakita nga unlawful aggression iti biang dagiti kameng ti NBI a karaman iti insidente.

Inrekomendar ti CIDG ti panangipila ti reklamo kontra ken ni suspended acting Senate Sergeant-at-Arms Mao Aplasca ken dua a dadduma pay a kameng ti Senate security.

Inallukoy ni Cayetano dagiti lider a tutukanen ti panangsolbar kadagiti isyu ti pagilian pakairamanan ti healthcare, edukasion ken ngumatngato a cost of living.

RELATED ARTICLESMORE FROM AUTHOR