LAOAG CITY – Inaprobaranen ni Governor Matthew Marcos-Manotoc ti panagbalinen a Provincial Director iti Ilocos Norte Police Provincial Office (INPPO) ni Police Col. Frederick Obar.
Inwaragawag daytoy ti gobernador bayat ti naiwayat a press conference iti kapitolyo probinsyal.
Iti baet daytoy, kuna ni Manotoc a nupay inaprobaran na ti panagbalinen a full pledge a Provincial Director ni Obar iti Ilocos Norte ket adda metlang iti Philippine National Police no agtalinaed ni Obar ditoy probinsya.
Maipalagip nga addan sumagmamano a bolan nga agserserbi kas Officer-In-Charge iti Ilocos Norte Police Provincial Office ni Police Col. Frederick Obar.
