LAOAG CITY – Pabor ti grupo dagiti empleyado ti gobiyerno nga ipublikar ti Statement of Assets, Liabilities, and Net worth (SALN) ti kada opisyal ken empleado ti gobyerno.
Daytoy ket kagiddan ti panangibilin ni Presidente Ferdinand Marcos Jr. ti idadalan ti lifestyle check dagiti opisyal ken empleado ti gobierno.
Segun ken ni Confederation for Unity, Recognition and Advancement of Government Employees (COURAGE) President Santi Dasmariñas, tinawen a mangisum-sumitir ti Statement of Assets, Liabilities, and Net worth dagiti ordinaryo nga empleyado ti gobiyerno, uray limitado laeng ti aw-awaten da a sweldo idinto a dagiti dadduma ket addaan ti dakkel nga utang.
Kuna na a no malukatan ti lifestyle check iti amin a public officials, silulukat met dagiti empleado ti gobierno nga ipakita ken ipublikar ti isumsumitir da a Statement of Assets, Liabilities, and Net worth.
Nupay kasta, masapul nga agserbi a modelo ni Presidente Marcos ken ti sibubukel a first family a dumalan ti lifestyle check.
