LAOAG CITY – Mangipaay ti Government Service Insurance System iti P18.5B a balor ti emergency loans para kadagiti biktima ti bagyo Carina ken abagat.
Segun iti Government Service Insurance System, makatulong daytoy kadagiti 864,089 a miembro ken pensionado iti Metro Manila, Batangas ken Rizal a naideklara nga under ti state of calamity.
Mainaig iti daytoy, tapno makaaplay iti emergency loan ket masapul a saan nga adda iti unpaid leave ti maysa a miembro, awan ti pending administrative wenno legal cases, ken addaan iti addan a binulan a bayadna.
Kabayatanna, mabalin a makaala dagiti miembro iti P20,000 loan ken mabalinda ti agaplikar manipud idi Hulio 26 agingga iti Oktubre 28.
