LAOAG CITY – Umaboten iti 41 nga indibidual ti pimmusay kalpasan a nagbaliktad ti maysa a ferry iti Guyana idiay South America.
Segun kadagiti otoridad, umabot met iti 77 ti bilang dagiti naisalbar manipud iti trahedia bayat nga agtultuloy pay ti search and retirival opertions iti lugar ti insidente.
Ti nasao a ferry ket addaan ti 179 a pasaheros no sadinno nga agingga ita ket ado pay laeng dagiti mapukpukaw.
Segun kadagiti imbestigador, karaman kadagiti posible a rason ti insidente ket ti saan nga umno a passenger manifest ken ti maipagarup a panagusar dagiti sumangmamano a miembro ti crew ti illegal a droga.
Iti agdama, adda ti pakabuklan a 16 a vessels ti naiwaras para iti agtultuloy a panabirok kadagiti dadduma pay a mapukpukaw.
