LAOAG CITY – Mapilaan ti kaso a murder ti kapitan ken dagiti tripulante ti Guyana Ferry a nagbaliktad no sadinno a 73 nga indibidual ti pimmusay ken 30 ti agdama a mapukpukaw.
Ti MV Barima, maysa nga agtawen 87 a barko ket nagbaliktad bayat a dumaldaldayasat manipud Georgetown agingga northwestern village ti Port of Kaituma.
Nabigbig ti Kapitan a ni Kevin Pric, agtawen 40 ken dagiti tripulante nga isuda Rondell Dwayne Roberts, agtawen 42, ken Delon Granderson nga agtawen met 33 a naidatag ti Georgetown para iti kaso a murder.
Ti kaso ket nangitunda ti pannakaimbestigar kadagiti ferry services iti Transport and Harbours Department iti babaen ti Ministry of Public Works.
Segun kadagiti otoridad, 76 a pasaheros ken tripulante ti na-rescue manipu ti nasao a ferry ken mamati dagitoy nga addaan ti 179 nga indibidual ti pakabuklan a nakalugan ti ferry.
Inbatad met ni Prime Minister Mark Phillips a dagiti dua a tripulante pakairamanan ti Kapitan ket nagpositibo ti marijuana.
Maipalagip a daytoy ket nagbaliktad idi Hulio 22 no sadinno a 41 nga indibidual ti inisial a pimmusay.
