LAOAG CITY – Nakasagana nga agtungpal ti Hamas iti panawagan ni Israeli Prime Minister Benjamin Netanyahu iti Red Cross a pastreken dagiti agas ken taraon kadagiti hostage idiay Gaza.
Segun iti opisial ti Hamas a matungpal laeng daytoy no naan-anayen a malukatan ti Gaza strip ken tumalaw dagiti puersa ti Israel.
Immunan a tinawagan ni Israeli President Isaac Herzog ni International Committee of the Red Cross President Mirjana Spoljaric no sadinno nga inpettengna a nasken nga agtignay dagitoyen para kadagiti hostage.
Naammoan a mapattapatta nga 49 nga hostage ti iggem ti Hamas.
Inpasigurado ti Hamas a makitinnulongda iti Red Cross a mangidanon kadagiti agas ken taraon para kadagiti hostage laketdi malukatan ti humanitarian corridors.
