LAOAG CITY – Nagun-od ti maysa nga hardinero manipud Pennsylvania idiay Estados Unidos ti maikadua a Guiness World Record-na kalpasan a nagpatubo daytoy ti kaatiddogan a tarong iti sangalubongan usar ti Thai Long Green variety.
Ni Erik Gunstrom wenno am-ammo kas “Eggplant Erik” ket immunan a nabigbig iti Guiness World Records kalpasan a nangpadakkel ti kadagsenan a tarong iti sangalubongan no sadinno umabot iti 3.9 kilos. Idinto a naartapan nga insigida ti titulo kalpasan ti tallo a lawas ti maysa a lalaki manipud Switzerland a nakapadakkel ti nadagdagsen a tarong a 5.078 kilos.
Nupay kasta, pinadas ni Gunstrom ti rekord para iti kaatiddogan a tarong iti sangalubongan nga umabot iti 54.3 cm.
Ti Thai Long Variety nga inusar ni Gunstrom ket gagangay nga adda iti 20 agingga 30 cm. laeng a kaatiddog.
Kabayatanna, balligi a nadoblena ti gagangay a kaatiddog babaen ti naiget a planting technic, organic soil amendments ken greenhouse cultivation.
