LAOAG CITY – Naburak ti maysa a Chinese a lalaki ti Guiness World Record a “Most hula hoops spun while suspended upside down”.
Ni Yan Yanjia ket nakabaliktad iti maysa a “monkey bars” iti maysa a playground iti Guilin, Guanxi a naimaneharna ti nangpuligos ti 33 nga hula hoops iti bagina.
Naburak ni Yanjia ti dati a rekord a 10 nga hula hoops.
Inbatadna a na-diagnosed daytoy ti fatty liver gapu iti obesity idi tawen 2018 ken nabalakadan nga agpakuttong ket ditoy a sinnerrekna iti panag-hula hoop kas ehersisio.
Kabayatanna, ti sumaruno a rekord nga ar-artapanna ket adda ti pakainaigan ti aggiddan a panag-hula hoops ken pull-ups.
