LAOAG CITY – Naburak Betty Bromage ti Britain ti bukodna a Guiness World Record kas “Oldest Female Wing Walker” iti tawenna a 97.
Daytoy ket maysa a tawen kalpasan a nakapasar daytoy ti stroke idi Agosto 2025 no sadinno naapektaran ti panagbalikasna.
Ti wing-walking ket maysa nga aviation stunt no sadinno maysa nga tao a naka-harness ket agtakder, magna wenno agperform ti acrobatics iti payak ti maysa nga aircraft wenno bi-plane.
Maikainnem a daras nga inubra ni Bromage ti nasao nga aktibidad manipud idi nagtawen daytoy ti 87.
Nagun-odna ti baro a record ti tawenna a 97 years ken 127 days no sadinno ti naudi a record-na ket idi agtawen ti 93 daytoy.
Napasamak daytoy a balligi iti RFC Rendcomb Airfield iti Cirencester.
Kuna ni Bromage a gagemna nga ubraen ti kabaelanna nga aramiden kabayatan ti kinabaketna.
Kabayatanna, inpaayna ti stroke unit iti Cheltenham General Hospital ti nakolektana a kuarta no sadinno a nagtalinaedanna idi nagsakit.
