LAOAG CITY – Naburak ti maysa a kite enthusiast iti Kyneton, Australia ti Guiness World Record kalpasan a nagpatayab ti maysa nga illaw ti 26 nga oras.
Ti record attempt ni Angus Johnstone ket naisayangkat idiay Killarney, Victoria idi Marso 14 ti bigat agingga kinabigatanna.
Usarna ti illaw nga agmaris ti asul ken purple kas paset ti fundraising campaign para kadagiti health ken education needs iti Myanmar
Umabot ti 26 oras, 15 a minutos ken 15 a segundo ti rekordna a nangipaay ti balligi para iti “longest kite flight by an individual.”
Malaksid iti rekord, nakagun-od pay daytoy ti AUS$18,843 iti babaen ti GoFundMe para kadagiti sumagmamano a proyekto idiay Myanmar.
