LAOAG CITY – Inpawilen ti Trump administration a maka-enroll dagiti ganggannaet nga agad-adal iti Harvard University.
Basar iti United States Department of Homeland Security a dagiti nabatbati a foreign students ket nasken nga umakar no saanda a kayat a mapukaw ti legal status dagitoy.
Naiget nga inbilin ni Homeland Security Secretary Kristi Noem kadagiti adda iti babaenna ti pannakaikkat ti Student and Exchange Visitor Program certification ti Harvard.
Iti surat ni Noem iti Harvard ket inakusaranna ti unibersidad iti saanna a panagbalin a natalged nangruna kadagiti Jewish students a nangilungalong ti panagkaykaysa kadagiti Hamas.
