LAOAG CITY – “Saan mo kuma nga kinarkargaan ti danom ti ngiwat ti matmaturog nga estudyante’m no diket tinapik mo latta kuman”
Daytoy ti nagbalin a pammagbaga ni Mrs. Marie Antoinette Parado, head teacher ti Barong National High School iti ili ti Dingras kalpasan a nakasango na ti mangisursuro a nangpainom iti estudyante na bayat a matmaturog.
Segun kenni Parado, awan isuna iti pagadalan idi naipadanon kenkuana ti video idi kalman ti bigat ken dagus met a timmawag iti pagadalan da tapno ammoen ti nasao nga isyu.
Inlawlawag ni Parado a saan na a dagus a nakasarita ti mangsirsuro gapo ta adda iti uneg ti guidance office ngem kalpasan daytoy ket inpakammo kenkuana ti maestra nga awan ti rumbeng a pagdanagan na gapo ta manarimaan da nga us-usayen daytoy.
Inbatad na nga idi nakadanon ni Parado iti mismo a pagadalan ken timmawag met kenkuana ti DepEd-Ilocos Norte maipanggep iti nasao a pasamak ken inpakammo na a manarimaan da nga agkalkalap ti impormasyon.
Mainaig iti daytoy, kuna ni Parado a basar iti masekna a maestra ket naaramid na daytoy gapo iti nerbyos na apaman a nakita na ti estudyante a matmaturog.
Kabayatanna, binalakadan ni Parado ti mangisursuro nga agannad ken daytoy a pasamak ket agserbi nga eye-opener.
Innayon na a manamnama a malpas ti fact-finding babaen iti tulong ti Child Protection Committee ken maisubmitir iti Division Office nga isu met ti mangipaay ti pinal a desisyon.
