LAOAG CITY – Billigi iti naiwayat nga health and medical caravan para iti alisto a serbisio dagiti umili ditoy ciudad ti Laoag a paset ti aktibidad a Sagut ken Panagyaman a maiwaywayat ita a bolan ti Oktubre.
Segun kenni Dr. Rodrigo Catcatan, ti mangidadaulo iti City Health Office, ti nasao nga aktibidad ket gagem na a maipadanon dagiti nagduduma a serbisio medikal kadagiti umili.
Inbatad na a karaman dagiti naipaay a serbisyo ket ti dental pakairamanan ti libre a panagpukis, masahe, adda pay dagiti naibunong nga agas ken dadduma pay.
Kunana a dagiti kangrunaan a benepisario ket dagiti residente iti Barangay Santa Maria, Suyo ken Talingaan ditoy ciudad ti Laoag.
Inpanamnama ni Catcatan a kadagiti kadagiti sumaruno a bolan ket maipatungpal to met ti nasao nga aktibodad kadagiti dadduma pay a barangay ditoy ciudad ti Laoag.
