Inpakaamo ni Dr. Melvin Manuel, mangidadaulo iti City Disaster Risk Reduction Management Office ti ballaigi a pannaka-isayangkat iti panagsanayda iti Water and Rescue Training ditoy siudad ti Laoag.
Inbatadna a pimmasa amin dagiti 18 a partisipantes iti nasao a panagsanay ken maibilangdan a Water Search Rescue certified respondents ditoy siudad ti Laoag.
Kinunana a babaen kadagitoy ket adda manen dagiti baro a katulunganda nga agresponde no adda dagiti mapasamak kangrunaanan iti pannakalmes.
Mainaig iti daytoy kinuna ni Dr. Manuel a kaadoan kadagiti 18 a partisipante ket empleado iti lokal a gobierno ditoy siudad ken dagiti dadduma ket pakairamanan dagiti agpapaay iti beach resorts , Baranggay Officials ken dadduma pay.
Malaksid iti daytoy, kinunana a manamnama a dagitoy ket kanayon nga on-call wenno matawagan no adda dagiti mapasamak a pannakalmes.
Maragsakan daytoy gapu ta ado dagiti agkalikagum nga agsanay kadaytoy wenno agbalin a Water Search Rescue certified respondents.
Inayonna a babaen iti WASAR training ket maamoan dagiti usto a pannakasalbar iti biag iti maysa nga indibidual.
Inpasingkedna iti agtul-tuloy a pannakaipaay ti tulong kadagiti agkasapolan kangrunana no adda dagiti emerhensia.
