LAOAG CITY – Bayadan ni Police Captain Ceasar Mangaoil, hepe ti PNP Carasi, dagiti nadadael iti nadungpar na a kotse iti Brgy. 53 Rioeng ditoy siudad ti Laoag.
Daytoy ket bayat ti panangiturong na ti nagluganan na a kotse nga agpapalaud a direksiyon idi kalman.
Basar iti immunan nga imbestigasyon ti PNP Traffic Division, nakaparking ti kotse a kukua ni Maria Cyril Mabini Mamuad, agtawen ti 31 ken residente iti nasao a barangay.
Rumrumwar a napukawan ni Mangaoil iti kontrol ti inturong na a kotse rason a nadungpar na ti nakaparking a kotse.
Basar iti palawag ni Mangaoil ket kamkamakamen na ti maysa a taripnong iti Ilocos Norte Police Provincial Office.
Nag-overtake iti maysa a behikulo ngem iti panagsubli na iti lane ket nasobraan na rason a nadungpar na ti nakaparking a kotse.
