LAOAG CITY – Ikarigatan ti Administration ni Gov. Devid Ige ti mangsulbar iti problema panggep kadagiti umad-ado a bilang da “homeless” wenno awanan ti pagtaengan na a residente iti nasao nga isla.
Segun ken ni Bombo International Correspondent Manny Pascua, gapu iti daytoy, plano ti administrasyon ni Ige iti mangilatang ti 17 a milyon a dolyar tapno maipatakder ti plano na nga Ohana Zone.
Kuna ni Pascua a ti nasao a Zone ket maiayarig ti “housing project” a pagnaedanto dagiti agwarangwarang a tatato wenno awanan ti pagtaengan da.
Maipalagip a nabayagen a parikot ti kaadon dagiti awanan ti pagtaengan na a tattao idiay Hawaii a no sadinno a kaaduan a pakakitkitaan ket iti downtown ti Honolulu ken rumrumuar nga agblbalain payen dagitoy nga “eyesore”.
Kabayatan na, inpanekkel ni Pascua a abayat ti panagsorsor na idiay Hawaii ket awan pay ti nakita na a Pilipino wenno Ilukano nga “homeless”.
Iti sabali a bangir, inbaga ni Pascua a nalamiis ita idiay Hawaii rason nga ado dagiti agsasakit kas iti panateng ken uyek.
