LAOAG CITY – Nagsapata kas baro a Sangguniang Kabataan (SK) Federated President ni Hon. Rionell Jan Respicios manipud iti Brgy.2 Santa Joaquina ditoy siudad ti Laoag.
Daytoy ket naiwayat iti Laoag City Conference nga indauloan ni Mayor James Bryan Alcid.
Ti oath taking ceremony ket inatendaran ti Liga ng mga Barangay President a ni Hon. Roque Benjamin C. Ablan, Head ti Departent of Local Interior Government (DILG) Laoag a ni Ma’am Charis O. Garma, Mr. Harold G. Domingo ti Head ti Youth Development Office, Barangay Chairman ti Brgy.2 a ni Hon. Alwyn G. Martin, ken dagiti sumagmamano a miembro ti SK Federation.
Inbatad ni Respicio a napalaos ti panagyaman na ken ibilangna daytoy a nadagsen a responsiblidad ken inpanamnamana nga aramidenna amin a kabaelan na.
Kunana nga itultuloy na ti panakapapintas dagiti programa a mangpapigsa ti youth participation iti panangidaulo ken mangipaay ti napintas a masakbayan dagiti agtutubo.
Maipalagip nga imununan nga inanunsio ti City Government a ti dati nga SK Federated President a ni Hon. Cristophe Agustin kas Commissioner a mangipresentar ti Luzon iti National Youth Commission.
