LAOAG CITY – Kinasapulan pay ti Magnolia Hotshots Timplados ti overtime tapno abaken ti San Miguel Beermen iti iskor a 98-95.
Addaan ti tallo a panangabak ken awan pay ti pannakaabakna ti Magnolia ken iggemda ti umuna a puesto ti PBA Philippine Cup iti ay-ayam a naisayangkat iti Araneta Coliseum.
Indauloan ti panagballigi ti Hotshots ni Zavier Lucero a nagpaut ti 24 points idinto nga addaan ti 21 points ni Jerom Lastimosa.
Iggem pay ti Beermen ti lamang iti third quarter iti iskor a 58-44 agingga a nakamatan daytoy ti Magnolia ken nakalamang isuda iti iskor nga 86-85 iti nabatbati nga 44 segundo ti last quarter.
Nasayang met ti inaramid a sag-17 points da June Mar Fajardo ken Juami Tiongson para iti Beermen.
