LAOAG CITY – Dinayaw ti House Prosecution Panel ti panangipalubos ti Senate Impeachment Court iti independence daytoy ken panangipatungpal iti constitutional duty.
Inbatad daytoy ni House Prosecution Panel at Mamamayang Liberal Party-list Rep. Leila de Lima kalpasan nga inpalubos ti Impeachment Court ti kiddawda nga ipa-subpoena ti bank ken tax records ni Vice President Sara Duterte ken ti asawana a ni Atty. Manases Carpio.
Inpetteng ni De Lima ti desision ti Impeachment Court ket dakkel a balligi para iti kinapudno ken dagiti umili nga addaan ti karebbengan a makita ken matingiting met dagiti ebidensia iti proseso ti panagsungbat.
Nangipeksa pay ni De Lima ti panangsaludar ken ni House Prosecutor at Akbayan Party-list Rep. Chel Diokno a nangipakita ti nalaing ken nalawag a panangilawlawag iti gagem ti House Prosecution a nasken a saan a lappedan ti panangiparuk-at kadagiti napapateg nga ebidensia mainaig iti pudno a baknang ni Vice President Sara.
