LAOAG CITY – Binabalaw ti sumagmamano a human rights groups ni Senator Alan Peter Cayetano kalpasan nga awaganna ti ‘political prisoners’ ni Senador Rodante Marcoleta ken Senador Jinggoy Estrada nga agpada a sumangsango iti kaso a plunder.
Segun iti grupo a Kapatid, ti umno a political prisoner ket maibalod gapu iti political a pammati, ken gapu kadagiti kaso nga adda pakainaiganna iti korapsion.
Inpetteng ti grupo a ti pannakaibalod da Marcoleta ken Estrada ket mainaig kagiti kaso a plunder ken saan a maibilang a political persecution.
Kabayatanna, inbatad ti LAYA campaign spokesperson Amanda Echanis a dakkel nga insult kadagiti umno a political prisoner a rakurak ni Cayetano. Kunana a saan a mabalin nga awagan a political prisoners dagiti tao a sumangsango iti kaso a korapsion.
