LAOAG CITY – Inbatad ti baro a Prime Minister ti Hungary nga amendaran ti gobierno ti konstitusyon tapno maikkat ni President Tamás Sulyok kalpasan a nagkedked a pumanaw iti pwesto.
Inkari ni Prime Minister Péter Magyar nga ikkaten ni Sulyok ken dadduma pay nga opisyal a dinutukan ti predecessor na a ni Viktor Orbán kalpasan ti panagballigi na iti eleksyon idi Abril ita a tawen.
Ak-akusaran ni Magyar ti presidente ng agserserbi para iti interest ni Orban ken namin-ado a darasen a nagpanawagan para iti panagbaba na iti pwesto na.
Maipalagip a naipatugaw iti pwesto ni Sulyok idi Pebrero 2024 babaen ti partido ni Orbán nga awan ti direct election, ken nagkedked nga agresign gapu ta kalikagom na nga iserbi ti lima a tawen a termino.
Kabayatanna, inawagan met ti Orbán’s Fidesz party ti kayat a mapasamak ni Magyar kas “unlawful ultimatum”.
