LAOAG CITY – Kalikagum ti Sang Panlungsod ditoy ciudad ti Laoag a mapagbalin a Tagalog wenno Ilocano ti mausar a lenguwahe iti hymn ti Schools Division of Laoag City.
Daytoy ket kalpasan a naidasar ti maysa a resolusyon a kalikagum na a mangadaptar ti official hymn iti Schools Division ditoy ciudad ti Laoag kadagiti amin nga aktibidad ti Department of Education.
Segun iti chairman ti Committee on Education, ti nasao nga hymn ket napaulwan ti “Glowing Bright, DepEd Laoag”.
Kunana a ditoy a mangngegan ti mission ken vission ti nasao nga institusyon.
Innayon na a babaen iti daytoy ket marekognisar ti core values ti Schools Division ditoy ciudad ken agserbi a tribute kadagiti mangisursuro, agad-adal ken stakeholders.
Nupay kasta, patien ti konseho a napinpintas daytoy no saan nga ingles tapno maipakita ti panagbalin a Pilipino.
Mainaig iti daytoy, manamnama a mapagsasaritaan iti sumaruno a session ti nasao nga addang tapno mapaayaban ken maamoan met ti kabibiangan dagiti kameng ti Department of Education ditoy ciudad.
