LAOAG CITY – Inlawlawag ni Dr. Gerald Pagaling, neurologist, no ania ti mapasamak iti bagi ti maysa a tao a nag-hyperventilate wenno addaan ti sakit nga hyperventilation syndrome.
Kuna na a ti tao nga addaan ti hyperventilation syndrome ket makarikrikna ti pannakaulaw, panagkippet ti barukong, saan a maigaraw ti bagi ken dagiti ramay.
Malaksid iti anxiety ken stress, mangitunda pay iti hyperventilation syndrome ti panagsikog, infection ken problema iti puso ken bara.
Inbatad ni Dr. Pagaling nga awan ti agas iti hyperventilation syndrome ngem mabalin da nga ikkan ti pangpakalma ti pasyente.
Innayon na a possible pay a sintomas ti dadduma a medical condition ti hyperventilation syndrome isut gapuna a kasayaatan no agpakita iti doktor kas ti neurologist wenno psychiatrist dagiti makapaspasar kadagiti sintomas ti nasao a sakit.
