LAOAG CITY – Inmandar ti International Criminal Court (ICC) ti pannaka-arestar da dati a Russian Defense Minister Sergei Shoigu ken ti Chief of the General Staff na a ni Valery Gerasimov.
Daytoy ket gapu iti alegasyon nga international crimes, war crimes, ken crimes against humanity.
Segun iti ICC, dagiti dua ket responsable iti maipagarop a dua a war crimes, karaman ti panagatake kadagiti sibilyan ken nangitunda ti nakaro a pannakaapektar dagiti sibilyan.
Maak-akusaran pay dagiti dua ti crime against humanity.
Inlawlawag ti ICC a dagiti naipila a kaso ket adda ti pakainaigan na iti strike kontra iti ado nga electric power plants ken sub-stations nga inyuswat ti Russia iti intero nga Ukraine manipod Oktubre 2022 agingga iti Marso 2023.
Ti dua a warrant iti nangato nga opisyal ti Russia ket nayun laeng dagiti immunan a warrant of arrest nga inparuk-at ti ICC para ken ni President Vladimir Putin ken Russian official a ni Maria Lvova-Belova gapu iti alegasyon a plano da nga ideportar dagiti ubbing nga Ukrainian.
