LAOAG CITY – Kinumpirmaran ti International Criminal Court (ICC) a karamanen ni Senador Ronald dela Rosa iti opisial daytoy a listaan dagiti “wanted persons” basar iti website ti korte.
Basar iti International Criminal Court, ni Dela Rosa ket karaman iti 33 nga akusado nga agdama a maibilang nga “at large.”
Iti profile iti website ti International Criminal Court, nakailanad iti buo a nagan ti Ronald Marapon Dela Rosa pakairamanan ti petsa ken lugar ti nakaiyanakan.
Inladawan isuna ti International Criminal Court kas maysa a dati nga opisial ti Philippine National Police (PNP) a nangiggem ti nagduduma a posision iti Davao region, nagbalin nga hepe ti Philippine National Police ken nagserbi pay a Director General ti Bureau of Corrections iti panawen a sakupen ti kaso.
Nakailanad pay iti profile a ti arrest warrant kontra kenkuana ket naiparuk-at a “secret” idi Nobiembre 6, 2025 ken naipublikar laeng idi Mayo 11, 2026.
Iti baet ti estado ti senador, iyur-urayna latta ti petision daytoy iti Korte Suprema no ania ti agbalin a desision kalpasan a saan a napatgan ti kidkiddawen a temporary restraining order ti senador mainaig iti arrest warrant ti International Criminal Court.
