LAOAG CITY – Inpakaammo ni National Economic and Development Authority Undersecretary Carlos Bernardo Abad Santos a ti Ilocos Norte ti kababaan ti poverty incidence iti intero a Rehiyon Uno wenno Ilocos Region.
Segun kenni Santos, iti tawen 2021, ti Ilocos Norte ket dua a porsiento laeng ti poverty incidence rason nga isu ti kababaan iti Rehiyon.
Mamati ni Santos a maragpat ti rehiyon ti 7.3 percent a poverty rate ken 7.0 to 7.5 percent ti Gross Regional Domestic Gworth Rate.
Inbatad na a magun-od daytoy babaen ti Ilocos Regional Vevelopment Plan a pakairamanan ti pannakaitandudo ti human capital ken social development, ken ti pannakaipangato ti income earning ability.
Mainaig iti daytoy, inbatad na a kabaelan ti rehiyon daytoy gapo ta iti tawen 2018 ket nagun-od ti 9.9 poverty rate.
Iti agdama ket adda ti 14.3 percent a poverty incidence ti Ilocos Region ken target a maipababa daytoy agingga iti 7 percent.
Kabayatanna, tapnu masuportaran ti investment ti human capital development ken ngumato ti employability dagiti Pilipino kangrunaan na ditoy rehiyon, inbatad ni Department of Budget Management Sec. Amenah Pangandaman a ti social services sector ket itultuloy na nga awaten ti kadakkelan a pondo a maiyalokar para ti tawen 2024 national budget.
