LAOAG CITY – Umabot ti 27 ti nairekord a baro a kaso ti covid-19 ditoy probinsya ita a rabii.
Nupay kasta, adda ti nairekord nga uppat a pimmusay ken 203 recoveries.
Iti datos ti gobyerno probinsyal, umaboten ti 16,013 ti pakabuklan ti kaso ti COVID-19 no sadinno a 2,498 ti aktibo a kaso; 13,311 recoveries ken 230 dagiti pimmusay.
Manipod iti 27 a baro a kaso ti covid-19 ket saggiinnem iti ili ti Dumalneg ken Badoc, lima iti ili ti Sarrat, tallo iti ciudad ti Batac, dua iti ili ti Solsona ken saggaysa iti Bacarra, Burgos, Vintar, Banna ken Pinili.
Awan met ti nairekord a baro a kaso ti covid-19 ditoy ciudad ti Laoag ken dagiti dadduma nga ili, karaman ditoy ti Adams, Bangui, Carasi, Pagudpud, Pasuquin, Piddig, Currimao, Dingras, Marcos, Nueva Era, Paoay ken San Nicolas.
Agtultuloy ti panawagan ti gobierno probinsyal iti panangidaulo ni Governor Matthew Marcos-Manotoc iti agtultuloy a panangobserbar ti minimum health protocols tapno ad-adda pay a maipababa ti kaso ti covid-19 agingga a naan-anayen a mapukaw ti virus ditoy probinsya.
