LAOAG CITY – Nairekord ti 49 a baro a kaso ti covid-19 ditoy probinsya no sadinno a 27 kadagitoy ket manipod iti ili ti Dingras.
Basar iti impormasyon nga inparuk-at ti gobierno probinsyal, 12 kadagiti baro a kaso ti covid-19 ket manipod iti ili ti San Nicolas ken 4 met ti aggapo ditoy ciudad ti Laoag.
Sagdudua met a kaso ti nairekord iti ili ti Solsona ken iti ili ti Pagudgud, idinto a saggaysa iti ili ti Vintar ken Pinili.
Iti datos, addan ti pakabuklan a 1,612 a nairekord a kaso ditoy probinsya sipud nangrugi ti pandemya no sadinno a 395 ti active cases; 1,206 dagiti nakarekobren, ken 11 dagiti pimmusay.
