LAOAG CITY – Naminsan nga inpetteng ti lider ti Kamara de Representantes nga awan iti agenda ti House of Represenattives ti panangipila ti impeachment complaint kontra ken ni Vice President Sara Duterte.
Daytoy ti inpetteng da Senior Deputy Speaker Aurelio “Dong” Gonzales Jr., Deputy Speaker David “Jay-Jay” Suarez ken House Majority Leader Manuel Jose “Mannix” Dalipe kageddan ti nabara a mapagsasaritaan maipanggep iti posible a panangipila ti impeachment complaint kontra ken ni Duterte tapno maikkat daytoy iti puesto kalpasan ti inaramidna a panangpangta ken ni Presidente Ferdinand Marcos Jr.
Inlawlawag da Gonzales, Suarez ken Dalipe nga uray seryoso ti Kamara a maaddaan ti transparency ken accountability iti gobierno ket nakasentro ti imbestigasion kadagiti komite daytoy iti panangduktal iti kinapudno.
