LAOAG CITY – Inbatad ni Barangay Chairman Richardson Santos iti Barangay 13 ditoy ciudad ti Laoag a ni IN-C2657 ket nagsaksakit ti ulo na sakbay a pimmusay.
Segun kenni Santos, naitaray iti maysa a pribado nga ospital ni IN-C2657 gapo iti sakit ti ulo na ken negatibo met ti antigen test na.
Nupay kasta, kunana a nagtultuloy ti sakit ti ulo ti pasyente rason a naiyakar iti Mariano Marcos Memorial Hospital and Medical Center iti ciudad ti Batac ken kas protocol ket dimmalan iti RT-PCR test.
Inlawlawag na a sakbay a rimuar ti resulta ti swab test na ket pimmusayen daytoy.
Naamoan a naitabon ti bangkay ni IN-C2657 iti covid-19 cemetery ditoy ciudad ti Laoag.
Mainaig iti daytoy, nagpositibo met ti anak ken apoko ni IN-C2657 ken iti agdama a naka-isolate dagitoy.
