LAOAG CITY – Pimmusayen ni IN-C514, lakay, agtawen ti 82, naggapu iti Hawaii ken residente iti Sitio 6 Brgy. 39 Pasiocan iti ili ti Bacarra.
Daytoy ti kinumpirmaran ni Ms. Mary Joyce Robles, mangidadaulo ti Municipal Disaster Risk Reduction and Management Office iti nasao nga ili.
Iti sabali a bangir, naklaat ni Barangay Chairman Avelino Pasion iti ipupusay ti pasyente a nakaadmit iti Mariano Marcos Memorial Hospital and Medical Center iti siudad ti Batac.
Kuna na a naamuan na ti impormasyon babaen kenni Robles.
Nupay kasta, naamuan ni Pasion a nagturong dagiti kameng ti RHU ken nadanun da dagiti nakaduty a frontliner.
Inbatad ni Pasion nga awan pay ti bilin kenkuana sipud itay aldaw mainaig iti pannakaiponpon ni IN-C514.
Kabayatanna, naiget met ti panangmonitor da iti anak ti biktima nga isu ti nagbanbantay iti ospital itay kallabes kasta pay iti pannakaliklik a madiscriminate daytoy.
Idi Enero 4, 2021 a nakumpirmaran a nagpositibo iti COVID-19 ni IN-C514, naduktalan nga addaan ti sintoms ti virus ken naadmit kas basar iti datos ti gobyerno probinsyal.
Daytoyen ti maikapat a pimmusay gapu iti COVID-19 ditoy probinsya.
