LAOAG CITY – Inlawlawag ni Mayor Larisa Foronda iti ili ti Vintar a ni IN-C7 nga agtawen ti 20 ket saan a pulos a nakaawid iti Brgy. 16 a residensya na.
Segun lenni Foronda, simmangpet iti ili da ni IN-C7 idi Hulyo 15 ken kas kadagiti nagduduma a returning residents, naideretso daytpy iti quarantine facility.
Inbatad na nga idi Hulyo 17 ket adda ti spot iti panagsikog na isut gapo na a naitaray iti Mariano Marcos Memorial Hospital and Medical Center iti ciudad ti Batac ken dimmalan iti swab test ken positibo ti resulta na ken idi Hulyo 18 ket nagpasngayen.
Kunana nga idi kalman, Hulyo 19 ket dimmalan met iti swab test ti maladaga ken ti asawa na ken negatibo ti resulta ti test dagitoy.
Naamoan a nakaawiden dagiti agama iti Barangay 16 ngem masapol nga agsina da pay laeng ti pagtalinaedan kas panangsurot iti protocol ken agtultuloy ti pannakamonitor da.
Basar iti investigation report, ni IN-C7 ket napan nagbakasyon idiay Metro Manila idi Pebrero ngem naabutan ti lockdown ken kadagitoy laeng a nakaawid.
Kabayatanna, kuan ni Foronda a dagiti uppat a mangmanmanehar kadagiti bus a mapan agsukon idiay Manila ken naka-isolate dan ken manmanama a dumalan iti swab testing.
