LAOAG CITY – Kalikagum ti Department of Agrarian Reform a masalbar ti industriya ti bawang ken sibuyas iti Ilocos Region.
Daytoy ti nagsasaritaan dagiti opisyal ken dagiti maseknan a mangidadaulo ti DAR idiay siudad ti San Fernando, probinsya ti La Union.
Ti naiwayat a taripnong ket pakaseknan ti pannakaisalbar ti bawang ken sibuyas kadagiti Agrarian reform areas.
Segun kenni Regional Director Virgilio Acuña, nababa ti produksyon ti bawang ken sibuyas iti rehiyon uno.
Kuna na a 94 a porsiento ti bawang ken 6 a porsiento ti sibuyas ket aggapu idiay ballasiw taaw.
Inbatad ni Acuña a ti rason a nababa pay ti produksyon ti bawang ket gapu ti sakit ti mula, panagkisang ti napintas a bin-i, ken pannakaiserrek dagiti nalaka a bawang ken sibuyas agraman ti smugling.
Innayon na a kalikagum ti DAR a maanuan ti kasapulan dagiti mannalon, dagiti kalikagum da a tulong manipud iti gobyerno lokal ken nagduduma a pribado a sektor.
