LAOAG CITY – Gimmatang ti Ilocos Norte Electric Cooperative wenno INEC dagiti baro nga equipment para iti napinpintas a panagresponde no adda ti emerhensia.
Segun ken ni Mr. Perry Martinez, General Manager ti Ilocos Norte Electric Cooperative, dagiti baro a lugan ken ramit a ginatang ti ahensia ket makatulong para iti al-alisto a panagresponde ken napaspaspas a serbisio iti oras ti kalamidad.
Inbatadna a sakbay pay a madanon ti tiempo ti panagtutudo ket addan dagiti wagas nga ar-aramiden ti kooperatiba tapno masagaanaan a naimbag ti iduduprak ti bagyo.
Kunana nga ikarkarigatan ti Ilocos Norte Electric Cooperative a siguradoen nga adda ti nasayaat a kondision dagiti amin a linya ti kuryente tapno saan a makaitunda ti disgrasia kabayatan a makapaspasar ti bagyo ditoy probinsia.
