LAOAG CITY – Na-activate ti Ilocos Norte Electric Cooperative-Task Force Super Bagyong Nando kadagiti ili iti amyanan a paset ti probinsya.
Daytoy ket kalpasan a naibayug ti pagsenyalan numero dos iti ili ti Vintar, Carasi, Adams, Dumalneg, Pagudpud, Bangui, Burgos, ken Pasuquin
Inbatad ni Ilocos Norte Electric Cooperative Assistant General Manager Cipriano “Perry” E. Martinez III, nga amin a line crew ti kooperatiba ket iti masakupan da a lugar para iti power restoration efforts kabayatan ti Super Typhoon Nando.
Innayon na a mangisayangkat ti Ilocos Norte Electric Cooperative Management iti preemptive shutdown ti aniaman a linia no ibilangna a kasapulan para kadagiti iti kinatalged ti umili.
Nupay kasta, kuna mangipaulog nga umuna ti kooperatiba iti pakaammo sakbay a maipatungpal ti aniaman a mandatory shutdown.
