LAOAG CITY — Namnamaen ti Bangko Sentral ng Pilipinas (BSP) nga agay-ayam ti inflation rate para iti Hulio 2024 iti nagbaetan ti 4.0 agingga iti 4.8%.
Ti nangato a singir iti koriente agraman ti panagngato ti presio dagiti produkto ti agrikultura kas kadagiti nateng, karne, ken prutas, kasta met ti nangato a presio ti gasolinq iti pagilian, ti kangrunaan a pagtaudan ti panagngato ti presio iti nadakamat a bulan.
Manamnama ti panagbaba ti presio dagiti bagas ken prutas, kasta met ti pannakaipateg ti pisos.
Manamnama nga iruar ti Philippine Statistics Authority (PSA) ti opisial a datos ti inflation rate ita a lawas ti Agosto 2024.
