LAOAG CITY – Naragsak nga inpakaammo ni Acting Provincial Jail Warden Mr. Eddie Guiang a naan-anayen a naideklara kas drug free workplace ti Ilocos Norte Provincial Jail.
Inbatadna a nabayagda nga inuray daytoy a banag kas ti kalikagum ti dati a mangidadaulo a ni Provincial Jail Warden Benilda Sadian.
Inlawlawagna a dimmalan iti drug testing dagiti amin a personnel ti Ilocos Norte Provincial Jail pakairamanan dagiti balod babaen iti Department of Health Center for Health Development.
Mangnamnama ti Acting Provincial Jail Warden ti agtultuloy a panangipaay ti suporta para kadagiti balod.
Maipalagip a nagretiron iti serbisio ni dati aProvincial Jail Warden Benilda Sadian iti kallabes.
