LAOAG CITY – Ado dagiti naparagsak dagiti kameng ti Ilocos Norte Police Provincial Office (INPPO) kalpasan ti panangiyuswat ti mini-concert dagiti sumagmamano kameng ti pulisya wenno ti INPPO Band.
Inbatad ni Police Major Rely Layug, ti pannakangiwat iti Police Community Relation Office iti INPPO a daytoyen ti maikadwa a tawen a nagpabuya ti INPPO Band iti aldaw dagiti puso a naselebraran idi kalman.
Inlawlawag ni Layug a gagem ti nasao nga addang ket tapno maipakita ti kabaelan dagiti kameng ti pulisya nga agkanta ken agsala.
Malaksid iti daytoy, inbatad na a kayat da nga ipakita ken saan laeng a trabaho ken serbisyo ti paglaingan dagiti kameng ti pulisya no di ket manangipateg pay dagitoy.
Kabayatanna, dinayaw ni Mrs. Amy Antonio, balikbayan manipod Canada ti panagpabuya dagiti kameng ti pulisya kas regalo da iti publiko iti pannakaselebrar ti aldaw dagiti puso idi kalman.
