LAOAG CITY – Maibilang a generaly peacefull ti panangsarabo ti baro a tawen ditoy Ilocos Norte.
Daytoy ti inbatad ni Police Lt. Col. Paul Benedict Parado, ti mangidadaulo iti Provincial Operations Management Unit iti Ilocos Norte Police Provincial Office (INPPO).
Segun ken ni Parado, 5 ti biktima ti paputok ditoy probinsya ngem uppat laeng ti naawat ti provincial command nga spot report.
Inlawlawag na a dua ti naireport a nagbalin a biktima iti ili ti Bacarra, saggaysa iti ili ti Bangui, Burgos ken ditoy ciudad ti Laoag ngem agpapada a minor injuries laeng ti sinagaba dagiti maseknan.
Kabayatanna, inpasigurado ni Parado nga agtultuloy ti naiget a panagmonitor ti nailian a pulisya kangrunaan na dagiti pagpipiknikan ken dadduma pay a pagdudupudupan ti ado a tattao.
