LAOAG CITY – Nakasaganan ti Ilocos Norte Police Provincial Office (INPPO) para iti panangsarabo ti baro a tawen.
Daytoy ti inpasingked ni Police major Jephre Taccad, ti pannakangiwat iti INPPO.
Inbatad na nga ad-adda pay a mapaigetan ti panagpatrolya ken presensya dagiti kameng ti pulisya iti intero a probinsyan tapno maliklikan dagiti saan a mapakpakadaan nga insidente iti panangsarabo ti baro a tawen.
Immapela pay ni Taccad iti publiko a saan nga agusar ti illegal a paputok ken saan nga agpaputok ti paltog iti panangsarabo ti baro a tawen.
Mainaig iti daytoy, inbatad ni Taccad nga uray masuspenso ti curfew hours iti panangsarabo ti baro a tawen ket itultuloy latta ti nailian a pulisya ti naiget a panagpatrolya da.
Nupay kasta, kuna na a disiplina ti kasapulan ken masapol a suruten latta ti minimum health protocols gapu ta saan pay a nalpas ti pandemya a gubuay ti covid-19 virus.
