LAOAG CITY – Maisayangkat iti masungad nga Hulio 25 ti Investment Conference idiay Ascott Bonifacio Global City, Taguig City, Metro Manila.
Segun ken ni Ms. Rhona Leigh Bueno, mangidadaulo ti Provincial Investment Office ti gobierno probinsial ti Ilocos Norte a nagawisda kadagiti “investors” idiay Manila ken kadagiti kaparangetna a lugar nga addaan kadagiti nadudur-as a negosio kas idiay Clark ken iti abagatanen ti Manila.
Inlawlawagna a kangrunaan a gagem ti nadakamat nga aktibidad ket ti panangitandudu ti Ilocos Norte nga “investment destination” wenno napintas a pangipasdekan ti negosio.
Kunana a makipaset ni Gob. Matthew Marcos Manotoc iti nasao a “discussion” agsipud ta awanen ti nalalaing pay a makaitandudu iti probinsia kas investment destination no saan nga isuna ken kangrunaan nga ilawlawagna no kasano ti agnegosio iti Ilocos Norte.
Inbatadna a maitampok pay dagiti sanikua ti gobierno probinsial a mabalin a mapaupaan ken mabalin pay ti pannakibinnuligna a mangiwanwan kadagitoy ken maitampok pay dagiti produkto ken serbisio a maididiaya ditoy Ilocos Norte.
Inpatalgedna nga adda dagiti nakasagana a kakailian nga agtrabaho iti aniaman a klase ti negosio a maipasdek ditoy probinsia.
Maipalagip a nagturong ni Gob. Manotoc para iti engage in discussions kadagiti Filipino Chamber of Commerce, para kadagiti high-value investments, promoting job opportunities, and enhancing digital infrastructure, research ken development initiatives.
