LAOAG CITY – Inrakurak ni United States President Donald Trump a pinalubosan ti Iran ti panagdalyasat ti 10 nga oil tankers iti Strait of Hormuz.
Inbatad ni Trump a daytoy nga addang ket kas regalo ken panangipakita a seryosoda iti negosasion tapno malpasen ti gubat.
Inlawlawagna nga immuna a pinalubosan ti Iran ti panagdalyasat ti walo a dadakkel a barko nga adda ti kargana a langis.
Kunana a simmaruno met ti dua a barko kalpasan ti panagdalyasat ti walo nga oil tankers.
Maipalagip nga agtultuloy ti ar-aramiden a panang-pressure ti Estados Unidos iti Iran nga agsungbat iti peace deal tapno agngudon ti rinnupak iti Middle East.
