LAOAG CITY – Nagresponde dagiti kameng ti PNP-Pagudpud ken opisyal ti Barangay Burayo iti nasao nga ili kalpasan a nakaawat da ti report nga adda ti maysa a ganganaet nga agkarkaryar.
Nabigbig daytoy a ni Sean O’Connor, agtawen ti 30, maysa a mangisursuro ken taga pagilyan nga Ireland.
Iti panagbirbiruk dagiti maseknan iti nasao a ganganaet ket nakita da a mismo iti karayan iti nadakamat a barangay.
Segun ti PNP kenni Brgy. Kagawad Edgar Batara, ti ganganaet ket pinanawan dagiti dua a Pilipino a kadwa na nga ummuna a naam-ammo na iti maysa a bar ditoy ciudad ti Laoag.
Nupay kasta, maipagarop nga inbati dagiti dua a Pilipino ti ganganaet nupay ti naikari kenkuana ket agpasyar da kadagiti tourist spots ditoy probinsya isut gapo ti maipagarop a panagkaryar na.
Basar ti rekord ti Bureau of Immigration and Deportation ditoy ciudad a saan a nag-over stay dityo probinsya ken awan ti linabsing na iti Immigration Law.
Kabayatanna, naamoan nga awan met ti napukaw a kagamitan wenno dokumento ti nasao a ganganaet.
Nagtalinaed met daytoy iti kustudiyar ti PNP-Pagudpud ken manarimaan ti pannakikoordenar na iti PNP-Laoag tapno mabigbig dagiti dua a Pilipino a kadwa ti ganganaet.
