LAOAC CITY – Kinontra ni Senador Panfilo Lacson ti impeachment case remarks ni Atty. Salvador Panelo kas “nonsensical” wenno awan ti serbina kalpasan nga arigna maipagarop nga un-unnaan ti agbalin a botos dagiti senador.
Iti maysa nga interview, inpetteng ni Senador Lacson nga awan ti siasinno man a mabalin nga agsarita para kenkuana.
Kwinestyunaran pay ti agpanpanday linteg ti arigna panaginlalaing ti abogado kadakuada a senador.
Inpetteng na a kas Senator judges, agannad da kadagiti irakrakurak ken kunana a naiget ti panangtingiting ti publiko kadagiti ar-aramiden da.
Sungbat daytoy ti senador kalpasan a dinakamat ni Atty. Panelo a karaman da Senate President Vicente Sotto III, Sen. Risa Hontiveros ken Sen. Kiko Pangilinan nga agbotos tapno ma-convict ni Vice President Sara Duterte iti kanito a maiyuli iti Senado ti impeachment case.
Nagtalinaed ti takder ni Sen. Lacson, a kas agtugaw nga impeachment court judges, ibasar da ti ebidensiya gapu ta makwestyunaran da no agbotos da tapno ma-convict ti impeachable official iti baet ti nakapuy nga ebidensiya wenno maabswelto iti baet ti natibker nga ebidensiya.
