LAOAG CITY – Dimmawat ti dispensar ni Israeli Prime Minister Benjamin Netanyahu kadagiti pamilya dagiti innem nga hostage a pinatay dagiti Hamas.
Kuna ti Prime Minister a nakasaritanan dagiti pamilya dgiti biktima no sadinno inpaay na metten dagiti mabalin a maitulong.
Gapu iti daytoy, inpasigurado ni Netanyahu a pagbayadan ti Hamas ti inaramidda.
Maipalagip a nabirukan dagiti bangkay dagiti innem iti teritoryo ti Hamas iti maysa a tunnel idiay Gaza.
Gapu iti napasamak ket nangiyuswat dagiti Israeli ti tignay protesta tapno agpannawagan iti ceasefire.
Kabayatanna, imun-una iti daytoy, binabalaw ni United States President Joe Biden ni Israeli Prime Minister Benjamin Netanyahu, gapu ta awan ti inaramidna tapno laeng isalakan dagiti hostage.
Innayon na a mapagsasaritaan kuman ti ceasefire tapno maispal dagiti hostage.
