LAOAG CITY – Nakapasar ti “unprecented rainfall” ti eastern Japan a nangitunda ti nakaro a panaglayus ken panagreggaay ti daga a nakatayan ti innem nga indibidual ken nakasugatan ti lima a dadduma pay.
Segun kadagiti otoridad, karaman kadagiti natay ket ti maysa a babai nga adda iti uneg ti luganna a nailumlom iti layus iti kalsada ken idinto a dua met ti nag-collapse a nangitunda ti pannakatayda.
Gapu iti daytoy, binallaagan dagiti otoridad dagiti sumurok 100,000 a residente nga agbakwit kalpasan ti nairekord a panagreggaay ti daga ken panagawan ti suplay ti kuryente gapu iti napigsa a panagtudo.
Mainaig iti daytoy, sumurok 200,000 a households ti naawanan ti suplay ti kuryente ken idinto a na-stranded ti 7,000 a biahero iti Narita Airport iti sentro ti Tokyo.
Malaksid iti daytoy, nakairekord met ti sumurok 100mm a panagtudo iti kada oras manipud idi aldaw ti Huebes idiay Chiba, asideg ti Tokyo no sadinno ket katukad daytoy ti mamin-tallo nga average rainfall ita a bulan ken kadakkelan a nairekord iti nasao a pagilian.
Gapu iti daytoy, nangi-isyu dagiti lokal nga oitoridad ti level five emergency warning, kangatoan nga alert level idi Huebes, ngem insigida a naibaba daytoy iti level four itay bigat.
